Sicaríʼ guníʼ ti guendaxheelaʼ de Vanuatu, despué de yegánnacaʼ Betel stiʼ ca testigu stiʼ Jiobá ni nuu Estados Unidos: «¡Aque sicarú guiráʼ ni bidúʼyadu dxi guyuudu Betel! ¡Qué ziuu dxi guiaandaʼ cani laadu!». Zacaca runi sentir jma de 70,000 binni ni riganna lugar riʼ guiráʼ iza.

Ñee huayeluʼ ndaaniʼ tobi de ca guionnaʼ edificiu napa Betel stiʼ Estados Unidos la? Pa qué huayeluʼ, runi invitardu lii cheluʼ.

Central mundial ni nuu Brooklyn (Nueva York). Ora chigunibiaʼluʼ edificiu riʼ, zánnaluʼ xi guiráʼ rúnicabe para quixhe chaahuicabe ne gacanécabe guireeche ca diidxaʼ nacubi ne galán lu guidubi Guidxilayú. Laaca zanda gúʼyaluʼ chupa exposición. Tobi ni láʼ «Ti guidxi ni chiné lá Jiobá», ne stobi ni láʼ «Biblia ne lá Dios». Primé exposición riʼ cusiene historia stiʼ ca xpinni Jiobá ni bibani lu primé siglu dede ca dxi stinu. Ne lu guiropa ca zuuyaluʼ ximodo cá lá Dios, Jiobá, ndaaniʼ xcaadxi Biblia.

Centro educativo ni nuu Patterson (Nueva York). Zánnaluʼ panda scuela raca raríʼ, casi Scuela stiʼ Galaad stiʼ Watchtower ne Scuela para cani nuu lu comité de sucursal né xheelacaʼ. Laaca ziuuláʼdxiluʼ gúʼyaluʼ caadxi exposición ne videu ni cusiene ximodo raca dxiiñaʼ ndaaniʼ xcaadxi departamentu, casi Departamentu de Arte, Departamentu de Asuntos Legales, Departamentu de Serviciu ne Departamentu de Audio ne Videu.

Imprenta ne Departamentu de Envíos ni nuu Wallkill (Nueva York). Zanda chiguuyaluʼ ximodo raca imprimir, raca encuadernar ne ximodo ruseendacabe Biblia ne publicación ni caníʼ de Biblia ra nuu guiráʼ congregación nuu Estados Unidos, Caribe ne xcaadxi guidxi nuu lu Guidxilayú.

Biaʼ ti hora rindaa gunibiáʼcabe edificiu nuu Brooklyn; biaʼ chupa hora rindaa gunibiáʼcabe edificiu nuu Patterson ne biaʼ ti hora arondaʼ rindaa gunibiáʼcabe edificiu nuu Wallkill.

Laaca cani runi dxiiñaʼ ndaaniʼ ca departamentu nuu Betel nga racanecaʼ gunibiáʼ binni ca edificiu riʼ. Laacabe ruuyacabe dxiiñaʼ riʼ casi sti modo gacanécabe guiziidiʼ binni de Biblia lu guidubi Guidxilayú. Lu beeu mayo iza 2014, guyuu jma de 5,000 binni biʼniʼ dxiiñaʼ ndaaniʼ guionnaʼ edificiu riʼ, ne jma de 3,600 maʼ bisiidicabe laacaʼ ximodo gacanecaʼ binni gunibiáʼ cani. Ne biaʼ 40 diidxaʼ zanda gusiénecabe binni xi dxiiñaʼ raca ndaaniʼ ca edificiu riʼ.

Gastiʼ qué riaxa.

Coʼ. Stale de cani riganna ca lugar riʼ cadi Testigu laacaʼ. Pa Testigu lii o pa coʼ, ora chigunibiaʼluʼ ca edificiu riʼ, zanna chaahuiluʼ xi guiráʼ raca ndaaniʼ cani para gacanécabe dxiiñaʼ runi ca testigu stiʼ Jiobá lu guidubi Guidxilayú.

Sicaríʼ guníʼ ti gunaa musulmán de guidxi India yegunibiáʼ si edificiu nuu Patterson: «Aque ñuuladxeʼ ñuneʼ dxiiñaʼ raríʼ. Xquíxepeʼ laatu purtiʼ nabé biʼniʼ respetartu naa».

¡Zanda pue! Stale ni zabeendú ca xcuidi pa chinécabe laacaʼ ca lugar riʼ. Sicaríʼ bicaa John, ti hombre ni yeganna ca edificiu napa Betel stiʼ Estados Unidos: «Dede bibiguétadu ra lídxidu, cadi cusaana ca xcuidi ni yenedu lu grupu stidu de guiniʼcaʼ ni bíʼyacaʼ. Ante chigunibiáʼcabe Betel qué gánnapecabe xi raca ndaaniʼ ni. Peru yanna racaláʼdxicabe gúnicabe dxiiñaʼ Betel ora guiniisicabe».

Zanda pue. Zanda chigunibiáʼcabe ca sucursal nuu ndaaniʼ stale guidxi. Para gannuʼ paraa nuu ca sucursal riʼ la? guyé ra na «Sucursal ne cani riganna». Runi invitardu lii chigánnaluʼ tobi de laacani.