WIRIKAPAI 3
Ya Mo Mo Rengbe ka Ida Kuti Gupai Baibiri Apehe?
Baibiri nafu dungu akidohe gbiati dungu arugute. Si nawira wa mo naida aida ka ino agu apai si ayugoho, ono mo ki duadu a na tiko kutini. Ya mo mo rengbe ka ida kuti agu akidohe gbiati arugute du rogo gu buku i aima kehe bakuru yo re? Ya mo mo rengbe ka ida nzunzu kuti gupai Baibiri apehe tipa gbia ngbarago ti raka awere na kumbatayo? Amirioni aboro ima ida kutini. Ani bingo singia mo rengbe ka ida kutini a nitiro.
1. Ya mo Baibiri nga gu buku du na arengo rogoho watadu kina kungbo apaturẽ?
Baibiri naya wẽ si na agu apai rogoho ‘nga rengo du ni ruruhe.’ (Batungusipai 12:10) Si nafura tipa gu ndikidi apai naima manga nzunzu. (Mo gedi Ruka 1:3; 3:1, 2.) Badungu abakeke apangbanga na abawisigi kuru apai naima ida kuti kura apai, aramediwi, aboro, gbiati aba nga gu Baibiri afura tipaha.
2. Tipagine rengbe ani ka ya ti ni wẽ Baibiri ima rengba ka undo rani si ki vura du vurũ nga i akehe bakuruyo?
Dedede, Baibiri nafura tipa agu apai aboro aainongo pai tipaha tigu regbo i akehe ya. Ni kpiapai, si nafura afura tipa agu apai nga ga birĩ-inohe. Dungu agu apai si apehe tipa agi apai re, aboro aaidanga kutini tigu regbo i akehe te. Ono tie, agu aboro birĩ-inohe du ti gi gaani regbo re ima dakuti gupai nga gupai Baibiri apehe nga rengo. ‘Si nadu ku baha nye anye kindi’ watadu si ni ruruhe ti aregbo dũ, awere na nyeanye kindi.—Atambuahe 111:8.
3. Tipagine rengbe ani kadu na kido ti ni kuti gupai Baibiri apehe tipa raka kumbatayo?
Baibiri na gu sangbaanebi a rogoho nga gu naima fura tipa ‘agu ahe ata manga nga ya.’ (Yesaya 46:10) Si aima fura ni ruruhe tipa dungu apai mbata fu si mangi. Si ima peka dungu futufutuapai a tipa gupai namanga rogo zegino ti gi gaani regbo re. Rogo gi wirikapai re, ani nika sakapai tipa agu asangbaanebi nga ga Baibiri. Pa wai du he ni ruruhe nazeresa kina ngbarani!
MO WIRIKI KURA DUNGU APAI
Mo bi wai agu aboro birĩ-inohe du ti gi gaani regbo re naidi kuti gupai Baibiri apehe, na mo ki wisigi bete sangbaanebi nga ga Baibiri.
4. Aboro birĩ-inohe ima ida kuti gupai Baibiri apehe
Bakuru kusayo, badungu aboro aidi kuti gupai nga kpotosende sungu rii kura he. Mo bi gu VIDIO re.
Oni bingo gupai i akehe rogo gu buku nga Eyobo agarã wa 3,500 kusayo. Mo gedi Eyobo 26:7, na tifuoho mo ki sakipai tipa gi sanahe re:
-
Tipagine gu fugo nga “ki niasi kpotosende gbua zanga he” azeresa kina ngba ti ni?
Tingbafuo gu garã nga 1800, aboro aye ka rugatiyo na pa wai mai asatihe ni ime, ime kini satihe ni ndomo, ndomo kini satihe ni mai. Ono tie, mo bingo gupai Baibiri aima pehe akutu agarã kusayo. Mo gedi Eyobo 36:27, 28, na tifuoho mo ki sakipai tipa agi asanahe re:
-
Tipagine du gi taata sakarogopai yo re nibipa wai ime ake pati kpotosende ni iiriwoho ti ni?
-
Ya mo agu averesi mo nagedihe re nyakasi gamo kido kuti Baibiri?
5. Baibiri aima gumbapa nyanyakipa apai kumbatayo
Mo gedi Yesaya 44:27–45:2, na tifuoho mo ki sakipai tipa gi sanahe re:
-
Gini futufutu apai Baibiri aima pehe agarã wa 200 kusayo mbata fu tigo Babera?
Apangbanga nape gupai nga Kurese, nangia Bakindo aParaso gbiati gako riivura adi gu gbata nga Babera rogo 539 M.B.K. b I asari gene gu ime naabanda gu bakporo re. Tingbafuo i rimi ku bakporo yo kina ti ngbadimo nga gu i ambuhe ni kina zazaha, i azi gu bakporo re zanga sovura aso. Areme, tingbafuo agarã naima susa 2,500, Babera kindi ni gbarasigbarasihe. Mo bingo gupai Baibiri aima pehe kumbatayo.
Mo gedi Yesaya 13:19, 20, na tifuoho mo ki sakipai tipa gi sanahe re:
-
Wai du gupai namangi tipa Babera adigiso gi sangbanebi re?
Kuadikuadi gu gbata nga Babera rogo gu ringara i ayambaha awere nga Iraq
6. Baibiri aima gumbapa agu apai ani abihe si nimangi areme
Baibiri nagumbapa gu regbo ani araka ti ni nga si nga “kusa rago” watadu yangara arame. (2 Timoteo 3:1) Mo bingo gupai Baibiri aima pehe kumbatayo tipa gi yangara arame re.
Mo gedi Matayo 24:6, 7, na tifuoho mo ki sakipai tipa gi sanahe re:
-
Gini nyanyakipa apai Baibiri apehe nga si nikaa manga ti gi yangara arame re?
Mo gedi 2 Timoteo 3:1-5, na tifuoho mo ki sakipai tipa agi asanahe re:
-
Waigu Baibiri nasakipai tipa gu dungu asino nika du ti aboro ti yangara arame?
-
Gini asino dagbaha yo mo nabihe ti aboro?
GU KURA ABORO NAPE GUPAI NGA: “Baibiri gbua nga buku apangbanga na apaturẽ.”
-
Tipa ro tigamo, gini nyanyaki ndupai duho si aida ani kido ti ni kuti Baibiri?
GINIPAI MO NAWIRIKIHE?
Kuru apangbanga, birĩ-inohe, gbiati asangbaanebi, nga agu apai nayugo gupai nga mo ima rengba ka kido kuti Baibiri.
Fugöpai
-
Ya mo Baibiri na agu apangbanga rogoho nga rengo watadu kungbo paturẽ gbua?
-
Gini bete agene birĩ-inohe naima ida kuti Baibiri ngbaha?
-
Ya mo mo nabihe nga Baibiri aima fura tipa apai kumbatayo? Tipagine mo naidi ti ni kutini watadu mo aidanga ti ni kutini ya?
MO WETEKE GU KURA APAI
Ya mo apai kinaho rogo Baibiri andunga na birĩ-inohe ya?
Gini arengo du ho tipa “kusa rago”?
“Asangbaanebi 6 na Nadigo Areme” (Ngbaõbambu Sinziri, Merekoko 1, 2011)
Mo bingo wai agu asangbanebi du tipa gu Bakere Bariwara Ngbii Nga ga aGiriki adigisitihe.
Mo bingo wai agu asangbanebi nga ga Baibiri aˈaria ga kura kumba bipai tipa Baibiri.
“Tipa Re, Mi Aidi Kuti Gupai Nga Mbori ti ni Te” (Ngbaõbambu Sinziri Na. 5 2017)
