Ya mo mo rengbe ka maa kpia raka auru kpotosende ane ku berãro yo zanga na ima uru? Uru nafu ome fu angua tipa si kusi akpehe, mbumbudo ho, zuzuhe, gbiati tungaha. Si nasa angua si gbe ime vurube atarãha ku rogo akpehe fuoho si ki gundu ku wege yo ni ime.

Mai nga bawene gamaha be Mbori nga gu nasa kpotosende si kusi riahe tipa ani ri he. Mbori nafu mai furani ngbangbaturũ yo na regbo ida ahe, kini hiisi kpotorani yo na riahe gbiati ngbarago.

Dungu abaagude nabaka bangiriyo tipa gbia riahe rengbe arengba na aroko tipa gayo aborokporo. Mo bingo gupai Ziazia Kekeapai agumbaha: “Oni bi azire ari yo, ami aru nga ahe te, ami ake nga ahe a te, ka ami aiga nga ahe ku rogo agbamu yo ya; Baroni du ngbangbaturũ yo nariga ra. Genoroni asusa nga genora te?”—Matayo 6:25, 26.

“Oni bere pa ranga ati yo, wa si asona . . . ; ono ya mi fu roni wẽ, kina [Bakindo] Soromo tigako na gako taarimo dũ, i aukadi nga ko wa gu sa dagba gi te re. Ono ka Mbori ukadi nvuo ati yo . . . , ko aukadi nga roni susi gi te re?”—Matayo 6:28-30.

Wadu he nga Mbori rengbe arengba ka fu riahe gbiati aroko furani, nirengo ko ima rengba ka undo rani ani gbia gu kura ahe si aidaha tipa raka. Ka ani diberã ka manga gupai Mbori akpinyemuhe, ko ima rengba ka fu maku kurii gu asadatise ani amangaha tipa ka rũko ariahe watadu ka gbia sunge tipa ka ngbe agu ahe ani aidaha.—Matayo 6:32, 33.

Nirengo, ani na wene nduapai berani ka kpinyemu Mbori ho ani aberãpa uru ni, mai, azire, na ambumbudo. Gu kekeapai naye fuo gere nika sakapai tipa wai bakusirani afura na aboro.