Rago Sa Sunge, Wegebe 6, 2023, kere bazigizo amangi vuru Turkey na Syria.

•   “Rago sa sunge, bakere bazigizo aimi aboro susi 3,700 vuru gu ringara nga Turkey na rogo papara Syria ku nodiyo. Gipai re amangi ti gu regbo rago adu ni kere zezerehe nga gu nasa raka ni bakpakarakpakaraha fu gu akutu aboro nagbiatiyo na kere aimisiri ti regbo bazigizo na ki zanga gayo akporo.”—Reuters, Wegebe 6, 2023.

 Ani na bakere rungo kpotorani yo ka giapa gi ngbatunga gberãngo re. Ti ngbatunga aregbo wa gere, ani rengbe ka gbia undo be Yekova nga “Mbori wasa dunduko.” (2 Akorindo 1:3) Ko nafu wasa “rogo Ziazia Kekeapai” yo wa ka ani rengbe kadu na maabangirise.—ARomo 15:4.

 Ani nawirikapai rogo Baibiri yo tipa:

•   Gupai i agumbaha kumbatayo tipa bazigizo.

•   Wari rengbe ani ka gbia wasa ni gbiati maabangirise.

•   Wai Mbori nika arungo dunduko.

 Tipa ka ino agu apai Baibiri agumbaha tipa agi apai re, mo gedi gu kekeapai nga:

•   “Great Earthquakes—What Did the Bible Prophesy?”

•   “Where Can I Find Hope?”

•   “Mbori Nika Digiso Arungo Dunduko Barambeda”