Tipa dungu aboro, padu apai tipa aboro kina kubani sa nga gupai amanganga ya.

•   “Rogo apapara zegino dunduko, kparakaro nakio kina kumbatayo dagba agu aboro du na rangi kpotoyo ni bakiakia, ariigbu gbiati angbatunga, na gipai re na gbegberẽ sangbanaha kurii gu raka nga ga aboro na aʹuru dunduko. Gi kparakaro nga ga angbatunga re nasa aboro kindi ka i naamanganga pai fu gu kura aboro kina sa ya.”—António Guterres, UN Secretary-General.

 Ya mo regbo aduho aboro nika mangapai na ngbatunga aboro dũ ni bakiakia kina sa? Ginipai Baibiri ayugoho?

 Baibiri nayugopai furani tipa wai Mbori abi ngbatunga ariko aboro ni bakiakia.

•   “[Mbori] ki mangi arika aboro dunduko wa sa i ima auru kpotosende dunduko.”—Amokedi 17:26.

•   “Mbori akpara nga aboro te; ono dagba rika aboro yo dunduko gu ni nagunde ti ko, ki nimangi rurupai, kina ni ngba ti ko.”—Amokedi 10:34, 35.

 Baibiri nayugo gupai nga aboro dunduko nga bangisa aborokporo sa na Mbori naida na ngbatunga aboro dunduko.

 I nika mangapai na aboro dunduko kina sa tiibe gu zogarago nga ga ga Mbori Kindo, nga gu zogarago du ngbangbaturũ yo. Gu zogararago re nika yugo wai fu aboro ka mangapai na kura aboro ngba ruru gene. Aboro nika wirika wai ka diabe gu sino nga ga kparakaro.

•   “Araki rogo zegino [awirika] pa rurupai.”—Yesaya 26:9.

•   “Ono gu sunge nga ga rurupai si adú ni pa zereda, gu pai ka kura be rurupai ki ngia du zezeredi na du zukazuka nye anye kindi.”—Yesaya 32:17.

 Areme, amirioni aboro nawirika wai rogo Baibiri yo rengbe yo ka mangapai na kura aboro rogo irisa na kiki.

•   Tipa ka ino kura apai, mo gedi gu magazini nga “Is There a Cure for Prejudice?”

•   Mo gedi gu kekeapai nga “Talking to Children About Racism” tipa ka ino wai rengbe avunguagude ka fura na awiriyo kporo tipa gupai nga ga kparakaro.