CAPÍTULO 37

¿Ma non tzonisa la?

Biloyña pal nacni nigolú o falz:

Guirá cristianos non tzonis.

□ Nigolú

□ Falz

Órni buñ rionis nacni par diti gonybu galkié.

□ Nigolú

□ Falz

Órni buñ rionis rinéni buñ par guilaa.

□ Nigolú

□ Falz

Pal diti ma goyonisa Dios dipa sanab cuent naʼ.

□ Nigolú

□ Falz

Tipnés ximiga ma goyonis, naʼ láaca tzonisa.

□ Nigolú

□ Falz

¿RASOBLO ni ná la Biblia la? ¿Ronylo rutirigaʼlni looy par gaclo ximig Dios la? ¿Raniʼlo ni ronylo crer né stipnés buñ la? Pal racapylo que scú guionca galrranabdiitz reʼ, né pal yása tzonislo, sigory ma cayonylo pensary gonylo láani. Per buny pensary. Raquiin gonylo pensary que ma noʼlo puext. Ni labúu gacné looy par ganlo láani, ngú pal cuapylo lo cuestionario reʼ.

● Guirá cristianos non tzonis.

Nigolú. Ngú ni buny mandary Jesús ñony guirá xpiin (Mateo 28:19, 20). Scú láani , láacabu goyonisbu. Por ngú, par guicanalo Cristo, raquiin tzonislo né raquiin guienlo ni casuidylo né que naplo confianz que labúu gonylo láani.

● Órni toib buñ rionis ma diti rony galkié

Falz. Galrrionis nacni toib símbolo par guislooyni stipnés buñ que ma góc dedicarlo Jehová. Né toib buñ rac dedicar Jehová portín raniiny láabu guisobbu ni rony mandary Dios, diti nosi par cueʼbu cós mal ni nainy láabu gonybu.

● Órni buñ rionis rinéni buñ par guilaa.

Nigolú. Mod ná la Biblia, galrrionis nigolú rasacni par guilaa buñ (1 Pedro 3:21). Ná scú, buñ diti raquiin gony láani xomod rasiʼbu toib seguro ni racné láabu par diti tzoʼbu ló riesga. Yaca. Raquiin gony buñ láani portín nadxiʼ buñ Jehová né raniiny buñ gony láani né guidopy xcalnabany por tipzó (Marcos 12:29, 30).

● Pal diti ma goyonisa Dios dipa sanab cuent naʼ.

Falz. Santiago 4:17 náni scareʼ: «Pal toib buñ nan que non gonybu xinésni per diti ronybu láani, cayonybu toib galkié», ná pal goyonisbu la o yaca. Por ngú, buny pensary: ¿Rienlo ni ranab Dios de looy la? ¿Naní xcalrrienlo par ganlo que ma labúu tzonislo la? Pal scú láani, ma raquiin gooylo diitz ne bixioslo, xinaʼlo o né toib cristiano ni nadip xfe. Layibu sacnéyibu looy par labúu tzagaʼlo meta de tzonislo.

● Ximiga ma cayonis, ¿láaca non tzonisa la?

Falz. Pal nainy looy tzonislo non guireʼni lainy xcalnabanylo (Salmo 110:3). Né non tzonislo pal rientzaaylo guirá ni ranabni de toib testigo xtuny Jehová né gaplo confianz de que ma noʼlo puext par guicaʼlo tipnés privilegios (Eclesiastés 5:4, 5).

Raquiin gonylo ndeʼ

Galrrionis ratzaʼ mod nabanylo né racaʼlo xiroʼ galnasác. Per láaca radudyni tipnés privilegios looy. ¿Xí lainy? Non gony cumplirlo guirá ni raibylo Jehová órni rac dedicarlo.

¿Galrrionis ratzaʼ mod nabanylo né racaʼlo xiroʼ galnasác. Per láaca radudyni tipnés privilegios looy. ¿Xí lainy? Non gony cumplirlo guirá ni raibylo Jehová órni rac dedicarlo (Mateo 22:36, 37).

LÓ CAPÍTULO NI SIEED

Gon xi labúu gonylo par labúu guibanylo sacró.

TEXTO NI RAREʼ LOGUIAʼ

«Por ngú xhermana ranaba lóoto por xcalrronladx Dios colgony cuent lóoto xomod toib sacrificio ni nabany ni nayaa né ni rioladx Dios, mod re’ sonyto xchiin Dios ne xcalrrient» (Romanos 12:1).

NI LABÚU GONYLO

Gonabdiitz bixioslo o xinaʼlo chú herman ni noʼ lainy congregación labúu gacné looy en sentido espiritual (Hechos 16:1-3).

¿NANLO NDEʼ LA?

Galrrionis nacni toib «marca» ni raquiinlo par guilaalo (Ezequiel 9:4-6).

¡GONYNO LÁANI!

Tipnés galrrasuidy ni sieed ló la Biblia ni raquiin guienna par labúu tzonisa: ․․․․․

¿Xí nainy naʼ guinabdidza bixiosa o xinaʼya de tema reʼ? ․․․․․

NÉ LOOYGA, ¿XÍ RONYLO PENSARY?

● ¿Xigony rasac tzonis buñ?

● ¿Xigony tipnés mbioxhlas rionisyibu nír?

● ¿Xigony tipnés mbioxhlas raclayibu par gac dedicaryibu né tzonisyibu?

[Comentario]

«Rasetnaladxi que ma goyonisa ngú racné naʼ, par goni xinésni né par diti tzoʼya ló nitisi galnagan» (Noemí).

[Cuadriyen né dibuj]

Galrranabdiitz de galrrionis

¿Xí radudy diitz galrrionis? Órni rioʼlo lainy nís nacni xomod ñaitylo, rasianlo guirá ni raniiny looy gonylo. Né órni rareʼlo lainy nís nacni xomod nabanylo stoib, per par gonylo ni ná Jehová, ndeʼ radudy diitz ni nainy láabu gonylo.

¿Xí radudy diitz gac dedicarno Jehová? Radudyni diitz que ma diti labúu rony mandarylo looyca, né ma riaʼanlo ladxña Jehová (Mateo 16:24). Por ngú, antes de tzonislo, non gonylo toib oración ro raibylo Jehová que guirá ór sonylo xchiimbu.

¿Xí raquiin goni antes de tzonisa? Non guibanylo xomod rasuidy la Biblia né gaibylo a stipnés buñ ni ronylo crer. Láaca non guidzaklo Dios né labúu gonylo láani órni rasuidylo la Biblia né ronylo oración. Raquiin guisoblo jehová portín nainy looy gonylo láani, né diti portín stipnés cayaiby looy gonylo láani.

¿Xí íz non gapa par tzonisa? Diti rasac balac íz naplo. Ni más rasac láani ngú tzoʼ xcalrrienlo né gac nadip fe xtunylo par guienlo xi guirá raguiña dedicación.

¿Xí láani goni pal nainy naʼ tzonisa né bixiosa né xinaʼya raiby naʼ que non cuésa stidxo? Pal ronyibu pensary que raquiinlo tiemp par guisoblo ni ná la Biblia, bisob layibu né biquiin tiemp cu par guidzaklo más Jehová (1 Samuel 2:26).

[Cuadriyen]

Bicaʼ láani ló guiich

¿Cayonylo pensary tzonislo la?

Tipnés galrranabdiitz ni sieed sacnéni looy par ganlo pal noʼlo ló toib néz galán. Por ngú, ¡diti guialadxlo goʼolo guirá textos ni sieed reʼ antes de guicapylo láani!

¿Naplo confianz lóo Jehová la? ¿Ximod caslooylo láani? (Salmo 71:5). ․․․․․

¿Radudylo cuent xí láani ngú cós tzaay né xí láani ngú cós mal la? ¿Pu ór ma bunylo láani? (Hebreos 5:14). ․․․․․

¿Balac buelt ronylo oración? ․․․․․

¿Órni ronylo oración raibylo láabu xipa ni caquiinlo la? ¿Mod ronylo oración raslooyni que nadxiʼlo Jehová la? (Salmo 17:6). ․․․․․

¿Xí láani ñoladxlo ñonylo más sacró órni ronylo oración? ․․․․․

¿Balac buelt roʼolo la Biblia? (Josué 1:8). ․․․․․

¿Xí información raquiinlo órni rasuidylo toiblo? ․․․․․

¿Xí metas raniiny looy gaplo órni rasuidylo toiblo? ․․․․․

¿Labúu naniʼlo que mod rony predicarlo galán láani la? (Por ejemplo: ¿Nanlo rabexalo galrrasuidy ni sieed ló la Biblia ni diti tampa nagan la? ¿Riguenlo buñ ni raniiny gan más de la Biblia la? ¿Cayopylo mod par guidzelo toib buñ ni ná guisuidy la Biblia la?)

□ Scú □ Yaca

¿Rony predicarlo ná órni bixioslo né xinaʼlo diti rony láani la? (Hechos 5:42).

□ Scú □ Yaca

¿Xí metas nainy looy gaplo órni guireʼlo predicación? (2 Timoteo 2:15). ․․․․․

¿Rieelo guirá reunión, o rony faltlo xidal buelt la? (Hebreos 10:25). ․․․․․

¿Ximod rony participarlo ló reunión? ․․․․․

Pal bixioslo né xinaʼlo radudyibu permís looy, ¿rieelo reunión órni diti labúu rieeyibu la?

□ Scú □ Yaca

¿Naniʼlo que rioladxlo cayonylo xchiin Dios la? (Salmo 40:8).

□ Scú □ Yaca

¿Rasetnaladxlo toibtica buelt órni diti bunylo ni ná guirá xcompañerlo la? (Romanos 12:2). ․․․․․

¿Xí láani nainy looy gonylo par diti guisnitlo galnadxiʼ ni naplo Jehová? (Judas 20, 21). ․․․․․

Pal bixioslo né xinaʼlo o ximiglo nasianyibu Jehová, ¿ñonyralo xchiin Jehová la? (Mateo 10:36, 37).

□ Scú □ Yaca

[Dibuj]

Órni buñ ragoʼ guic tzonis nacni xomod órni toib buñ na gony galtzeʼel: diti nacni toib galrraguit.