Jehová * Dios diti rabeʼbu lóono tiplad por mod nac xcudxno, xcolorno o mod nac lagary ro rabésno. Xalagary ngú, rabiʼbu mod ronyno pensary né mod rasacno. La Biblia ná: «Buñgudxlio nosi rabiʼ ni noʼ nisló, per Jehová rabiʼ ni noʼ lainy galnabany» (1 Samuel 16:7).

Ná diti labúu rabiʼno ni noʼ lainy xcalnabany stipnés buñ, per labúu cobiono layibu xomod rony Jehová. Buny rutirigaʼlni looy par diti gonylo pensary que mod nac toib buñ radudyni diitz que guiránac buñ scúca nac. Pal radudylo cuent que moda diti sacró riab toib buñ looy por mod nac xcolorbu o xcudxbu, gonab Dios guidudy fuers looy par cobiolo láabu né cueʼlo galrrianladxcu lainy xcalnabanylo (Salmo 139:23, 24). Gop confianz que Jehová sacné looy (1 Pedro 3:12).