Ló la Biblia sieed xidal historias de buñguieeu né buñgonaʼ ni gosac xidal mod. Pal rolno mod godudyibu, sigory labúu guidzelno toibtica ni gosac xomod casacno.

Guiráno raniiny lóono tzoʼ ni guieen mod rasacno, máspa órni caxoʼ xpensaryno. Pentzi órni ronyno pensary mod gosac buñ ni bibany ló dzú ni see radudyno cuent que scúca rasacno. Ndeʼ labúu gacné lóono guidudyno cuent que diti nosi lóono radudyno ló ansiedad, ló galrrasaʼ né ló stipnés galnagan.

• La Biblia raiby lóono xi goniʼ tipnés buñguieeu ni bidopy xcalnabany. Toibtica ór ma bunylo pensary: «Ma diti labúu gony guantary, diti labúu sabani modreʼ». Modreʼpa gosac Moisés, Elías né David (Números 11:14; 1 Reyes 19:4; Salmo 55:4).

• La Biblia rasetlaa de Ana, toib buñgonaʼ ni bioʼobgolu xcalnabany portín diti labúu goyoʼ xiimbu né toib buñgonaʼ ni bianladx láabu buny borla láabu (1 Samuel 1:6, 10).

• Sigory láaca rasaclo xomod gosac Job, toib buñguieeu ni rasetlaa la Biblia. Ná gopbu xiroʼ fe, láaca nigolú bioʼob xcalnabanybu né goniʼbu: «Raduidyoʼob xcalnabani naʼ, ma diti nainy naʼ guibani» (Job 7:16).

Guirá buñreʼ bitzaʼyibu mod bunyibu pensary. Lóono láaca labúu sapno fuers par gonyno scúca pal rabiʼno mod bunyibu.