Ló ilustración ni sieed ladbuʼ radudyni diitz ni rony pensary xidal buñ ni gac, ni rabeʼ la Biblia laa, Día del Juicio. Ronyibu pensary que xidalguixo buñ radop nisló trono xtuny Dios par gac juzgar layibu por guirá ni ma bunyibu: tipnésyibu saca’yibu galnasác lainy guibá, né stipnés siee ló infierno. Per la Biblia rasuidy que Día del Juicio sanitlóni guirá ni diti rac xinés ló Gudxlio (Salmo 96:13). Jesús nac Juez ni ma golú Dios par gony xinésni ló Gudxlio (Salmo 96:13). La Biblia rasetlaa que Día del Juicio sácni par cueʼni ni diti rac xinés ló Gudxlio (Salmo 96:13). Jesús nac Juez ni ma golú Dios par gony xinésni ló Gudxlio (Bíil Isaías 11:1-5 né Hechos 17:31).

Primer buñguieeu, Adán, góc nayaʼbu nisló Dios. Xtolbu guirá buñ raché, radudy ló galrrioʼob né raity (Romanos 5:12). Par gac xinésni ló Gudxlio, Jesús salísbu xidal millón buñ lad gueʼet. Ló Apocalipsis ritlaa que guirá ndeʼ sácni órni gony mandary Jesucristo por tipmil íz (Bíil Apocalipsis 20:4, 11, 12).

Guirá ni guiáscu sac juzgar layibu, per diti por cós ni bunyibu antes de ñaityibu, sac juzgar layibu de acuerdo ni gonyibu órni ma bireʼ xilat ni caa ló rollos ni ritlaa ló Apocalipsis capítulo 20 (Romanos 6:7). Apóstol Pablo goni’ que tanli «ni buny xinésni né ni diti buny xinésni» guiráyibu siásyibu par gapyibu oportunida par guisuidyibu ni ná Dios (Bíil Hechos 24:15).

Guirá buñ ni goity ni diti bimbu nili buny xchiin Jehová sapyibu oportunida par gonyibu láani. Pal rasaguelyibu gonyibu xchiin Jehová siásyibu par guibanyibu. Per buñ ni siás lad gueʼet ni diti ná guisob Dios saityibu por tipzó (Bíil Juan 5:28, 29 né Isaías 26:10; 65:20).

Órni ma bilox tipmil íz ni gacla Día del Juicio, Jehová sony que guirá buñ ma diti gap galkié (1 Corintios 15:24-28). ¡Toib galnasác sacróyen saca’ guirá buñ ni guisob! Buñdzab, ni guieg por tipmil íz lainy toib abismo, Dios saslaʼ láabu par coʼbu prueby buñ. Buñdzab sonybu rutirigaʼlni láabu par cueʼbu buñ cueʼ Jehová, per ni labúu gony gan prueby reʼ labúu guibanybu por tipzó ló Gudxlio (Bíil Isaías 25:8 né Apocalipsis 20:1, 7-9).

La Biblia rasetlaa de toib día de juicio. Ro guinitlóni guirá cós mal ni noʼ ló Gudxlio. Dzureʼ sadxinni tiptisi, xomod góc guiérodann ló xtzú Noé, ni binitló guiráxadit buñ mal. Mápa mer órni guinitló «buñ mal», ma nosi siaʼan «buñtzay ni gony xinésni ló gudxlio» (Bíil 2 Pedro 3:6, 7, 13).