Yaca, diti guirá religión ni noʼ nacni toibsi midid. Ló la Biblia radzelno xidal ejemplos mod rony adorar buñ ni diti rioladx Dios. Radzoni ló chop categorías.

Categoría 1: Buñ ni rony adorar dioxh falz

 La Biblia rasetlaa que diti noʼ pu raquiin guienno dioxh falz (Jeremías 10:3-5; 16:19, 20). Jehová a gochbu gudx Israel: «Diti gaplo stoib dioxh xalagary naʼ» (Éxodo 20:3, 23; 23:24). Órni israelitas buny adoraryibu stipnés dioxh, «Jehová nigolú bidzuitz» (Números 25:3; Levítico 20:2; Jueces 2:13, 14).

 Dios láaca radzuitz órni buñ rony adorar a guirá buñ ni ná que «nac dioxh» (1 Corintios 8:5, 6; Gálatas 4:8). Jehová ranab a guirá buñ ni ná gony adorar láabu guisianyibu religión falz ni napyibu. La Biblia ná: «Colguireʼ ladyibu, colguireʼ tiplad» (2 Corintios 6:14-17). Pal guirá religión toibsi midid ñacni né guiráni ñacnéni buñ par guibigax ronoʼ Dios, ¿xigony ñony mandary Dios ndeʼ?

Categoría 2: Buñ ni rony adorar Dios de toib mod ni diti rioladxbu

 Jehová goleʼ tiplad a guirá israelitas ni gop tipnés crenys o costumbres órni buny adoraryibu religión falz né bigotzyibu religión falz né religión ni nigolú (Éxodo 32:8; Deuteronomio 12:2-4). Jesús goleʼ tiplad líderes religiosos por mod buny adoraryibu Dios. Ralooypani cayonyibu xinésni, per gocyibu buñ hipocritas «portín diti bunyibu ni ná ley ro ritlaa: de justicia, galrronladx né fidelidad» (Mateo 23:23).

 Ló naareʼ nosi noʼ toib religión ni labúu gacné lóono guibigaxno Dios. Né guirá ni rasuidyni rareʼni ló la Biblia (Juan 4:24; 17:17; 2 Timoteo 3:16, 17). Guirá religión ni rasuidy ni diti sieed ló la Biblia ronyni que buñ galsit de Dios, xidal buñ rony crer que galrrasuidy xomod Trinidad, que alma diti raity né que buñ raʼij ló toib lagary, sieedni ló la Biblia. Per guirá crenys reʼ sieedni órni buñ rien dioxh falz. Mod rony adoraryibu diti noʼ pu raquiinni, portín rasobyibu ni ná crenys xtunyibu xalagary guisobyibu ni rony mandary Dios (Marcos 7:7, 8).

 Láaca Dios rialadx órni buñ raniʼ toib cós né rony stoib cós (Tito 1:​16). Toib religión labúu gacné lóono guibigaxno Dios órni racnéni lóono mod nabanyno diti portín nacni ritos o ceremonias. Por ejemplo la Biblia ná: «Pal toib buñ rony pensary que cayony adorar a Dios per diti rony mandarybu lochbu, cascúbu xcalnabanycabu, né mod rony adorarbu diti noʼ pu raquiinni. Clas adoración ni nac nayaa né ni diti nac buidy mod rabiʼ Dios xtunyno né Bixiosno láani, nacni ndeʼ: ganno mbiox bisaby né gonaʼ viod ro cadudyibu ló galnagan, par diti gony buidy gudxliogoxreʼ lóono ni tidxóyen» (Santiago 1:26, 27).