Dxiin ni ronydo, riaxni né bidxiich ni radudy testigos xtuny Jehová scásiʼ. a Donaciones reʼ labúu coʼ buñ láani lainy caj ni noʼ lainy Salón o láaca labúu guidudy buñ donación xomod ná jw.org. Buñ gan pal guidudy donaciones par xchiin Dios ni rac ló guidopynac Gudxlio o par guiax gaxt ni rac lainy Salón o labúu guidudyibu donación par guiropnésni.

 Tigaaga Testigo nan balac bidxiich guidudy. Ni toib buñ ragoʼ gon o raguiix (2 Corintios 9:7). Ló reunión diti noʼ ni ratop bidxiich, nili raguiix buñ par tzoʼ ló reunión. Buñ ni ragonis, ni ratudy discurs órni raity buñ, ni ragoʼ discurs órni noʼ ni rony galtzeʼel o nitisi dxiinien ni ronyibu, diti riaxyibu xitcal. Diti ratoʼdo galrro nili stipnés cós par guitopdo bidxiich. Láaca diti rony organizardo loterías, rifas, ferias, galrrastzú o stipnés lanii par guitopdo bidxiich, nili ranabdo buñ guidudy bidxiich lóodo. Né dipa ranido chupa cadudy donación (Mateo 6:2-4). Láaca diti rareʼ anunys ló ni toib página de Internet o publicaciones xtunydo.

 Guirá beʼo, tigaaga congregación de testigos xtuny Jehová raniʼ pu cayac gaxt bidxiich ni bidop ló reunión. Né cada tzón beʼo noʼ ni ragab balac bidxiich noʼ né ximod cayac gaxt láani par ganyibu pal sacró caquiinyibu guirá bidxiich ni riab lainy caj (2 Corintios 8:20, 21).

•   Lainy caj ro rioʼ donación: Lagarycu labúu coʼlo donación xtunylo, ná pal nacni bidxiich o toib cheque. Guirá caj reʼ sadzelo láani lainy Salones del Reino, Salones de Asambleas o stipnés lagary ro radopdo.

•   Donaciones por Internet: Ló xidal gudxrop labúu rioʼ buñ ló página ni laa, «Donar a los testigos de Jehová». Ló páginacu labúu guidudyno donaciones né tarjeta de crédito o débito, transferencia bancaria o labúu gonyno láani stipnés mod. b Tipnés Testigos ragoʼtzayibu tidxó bidxiich guirá beʼo, né raquiinyibu tarjeta par guidudyibu bidxiich guirá beʼo (1 Corintios 16:2).

•   Donaciones planificadas: Rioʼ ór raquiin cuuno né gonyno pensary xi clas donación guidudyno né rioʼ ór láaca ranabni xcalrracné abogados. Layibu labúu gacnéyibu looy par ganlo xipa mod labúu guidudylo donación lainy xcudxlo. Xidal buñ rooyibu diitz ximod labúu guidudyibu donaciones laʼga nabanyibu o chú guiané láani órni ma goityibu. Goniné sucursal xtuny testigos xtuny Jehová par ganlo ximod labúu guidudylo donación por:

  •   cuentas bancarias

  •   seguros né planes de jubilación

  •   bienes raíces

  •   acciones né bonos

  •   testamentos né fideicomisos

 Pal nainy looy ganlo ximod guidudylo donación, goyee ló página ni laa, «Donar a los testigos de Jehová».