Ingabe UNkulunkulu Unegama?
Impendulo yeBhayibheli
Bonke abantu banamagama. Akunakuba nengqondo yini ukuthi uNkulunkulu abe negama? Kubalulekile ukuba abantu babe namagama futhi babizane ngawo. Ingabe kuhlukile uma kuziwa ebuhlotsheni bethu noNkulunkulu?
EBhayibhelini, uNkulunkulu uthi: “NginguJehova. Yilelo igama lami.” (Isaya 42:8) Nakuba aneziqu eziningi njengesithi “Nkulunkulu uMninimandla onke,” “Nkosi EnguMbusi” nesithi “Mdali,” utshela abakhulekeli bakhe ukuba bambize ngegama lakhe.—Genesise 17:1; IzEnzo 4:24; 1 Petru 4:19.
Izinguqulo eziningi zeBhayibheli zinalo igama likaNkulunkulu ku-Eksodusi 6:3. Lelo vesi lithi: “Ngangivame ukubonakala ku-Abrahama, u-Isaka noJakobe njengoNkulunkulu uMninimandla onke, kodwa ngokuphathelene negama lami elithi Jehova angizazisanga kubo.”
Elithi Jehova igama likaNkulunkulu eliye lasetshenziswa iminyaka eminingi. Nakuba izazi eziningi zithanda ukusebenzisa elithi “Yahweh,” elithi Jehova ilona elaziwa kakhulu. Ingxenye yokuqala yeBhayibheli ayilotshwanga ngesiNgisi kodwa ngesiHebheru, ulimi olufundwa kusuka kwesokudla uya kwesobunxele. Kulolo limi, igama likaNkulunkulu liyizinhlamvu ezine, ezithi יהוה. Lezo zinhlamvu ezine zesiHebheru—ezihunyushwa ngokuthi YHWH—zibizwa ngokuthi iTetragrammaton.
Okunye Ongase Ukuthande
IZIMFUNDISO ZEBHAYIBHELI EZIBALULEKILE
Ingabe UNkulunkulu Unalo Igama?
UNkulunkulu uneziqu eziningi, njengezithi Mninimandla onke, Mdali nesithi Nkosi. Kodwa igama likaNkulunkulu livela izikhathi ezingaphezu kuka-7 000 eBhayibhelini.
AMAVESI EBHAYIBHELI AYACHAZWA
U-Isaya 42:8 Uyachazwa—“NGIYINKOSI”
Yiliphi igama uNkulunkulu akhetha ukuzinika lona?
IMIBUZO YEBHAYIBHELI IYAPHENDULWA
UNkulunkulu Unamagama Amangaki?
Abantu bangase bacabange ukuthi amagama kaNkulunkulu ahlanganisa athi ‘Allah,’ ‘Alfa No-Omega,’ ‘El Shaddai,’ nelithi ‘Jehova-Jire.’ Ingabe kunendaba ukuthi simbiza ngani uNkulunkulu?
IMIBUZO YEBHAYIBHELI IYAPHENDULWA
Ungubani UJehova?
Ingabe unguNkulunkulu wesizwe esisodwa kuphela, njengama-Israyeli?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.