“Ngiwathulela isigqoko amalungu enhlangano yenu ngesifiso nothando lwawo lokuba izikhonzi zombuso kaNkulunkulu. Imizamo neminikelo yenu yokusiza oFakazi BakaJehova enikanye nabo nomphakathi kwaziswa kakhulu.”

Washo kanjalo uKasim Reed, imeya yedolobha lase-Atlanta, eGeorgia, e-U.S.A. Le ncwadi yayamukela oFakazi BakaJehova emihlanganweni yesifunda eyayizoqhutshwa lapho.

Ngokufanayo, uMkhandlu-dolobha wase-Atlanta wakhipha isimemezelo esasamukela izihambeli zalo mhlangano. Sasithi: “KunoFakazi BakaJehova abacishe babe izigidi ezingu-8 emhlabeni wonke, abahlanganisa . . . amakhulu avela ezizweni nasezilimini ezihlukahlukene, kodwa . . . nihlanganiswe imigomo efanayo . . . Nifuna ukudumisa uJehova, uNkulunkulu weBhayibheli noMdali wazo zonke izinto.”

Kwaba nemihlangano yesifunda emithathu ngu-July nango-August 2014, emibili yayo eyayiqhutshwa ngesiNgisi nowodwa ngolimi lwesiSpanishi. Izihambeli zazivela emazweni angaba ngu-28, futhi izimiso zesiNgisi zazihunyushelwa olimini lwesiRussia nesiJapane ukuze kuzuze izihambeli ezikhuluma lezo zilimi. Kwaba nengqikithi yabangu-95,689 kuleyo mihlangano emithathu.

Phakathi no-2014, oFakazi BakaJehova baba nemihlangano yezizwe emikhulu engu-24 emazweni angu-9, kuhlanganise nengu-16 ezindaweni ezihlukahlukene e-United States.