U-Isaya 8:1-22
8 UJehova wathi kimi: “Thatha itshe elikhulu eliyisicaba + ubhale kulo ngothi lokuloba* ukuthi, ‘Mahere-shalali-hashi-bazi.’*
2 Ngifuna ofakazi abathembekile babhale* ukuthi babona lapho libhalwa, u-Uriya + umpristi noZakariya indodana kaJeberekiya.”
3 Khona-ke ngalala* nomprofethikazi,* wakhulelwa ngemva kwesikhathi wabeletha indodana. + UJehova wathi kimi: “Yiqambe ngokuthi uMahere-shalali-hashi-bazi,
4 ngoba ngaphambi kokuba umfana akwazi ukuthi, ‘Baba!’ nokuthi, ‘Mama!’ umnotho waseDamaseku nempango yaseSamariya kuyothathwa phambi kwenkosi yase-Asiriya.” +
5 UJehova waphinde wakhuluma nami wathi:
6 “Ngenxa yokuthi lesi sizwe siwenqabile amanzi ageleza kahle aseShilowa *+Sathokoza ngoRezini nangendodana kaRemaliya, +
7 Ngakho-ke, bheka! uJehova uzosilethelaAmanzi oMfula* anamandla namaningi,Inkosi yase-Asiriya + nayo yonke inkazimulo yayo.
Iyokhuphukela ngaphezu kwayo yonke imihosha* yayoIgcwalise lonke usebe lwayo
8 Ikhukhule kwaJuda.
Iyokhukhula idlule, ifinyelele entanyeni; +Amaphiko ayo alulekile ayogcwalisa izwe lakho,Imanuweli!” *+
9 Limazani, nina zizwe, kodwa niyophihlizwa nibe yizicucu.
Lalelani, nonke nina enihlala emajukujukwini omhlaba!
Lungelani impi,* kodwa niyophihlizwa nibe yizicucu! +
Lungelani impi, kodwa niyophihlizwa nibe yizicucu!
10 Cebani icebo, kodwa liyobhuntsha!
Khulumani noma yini eniyithandayo, kodwa ngeke iphumelele,Ngoba uNkulunkulu unathi! *+
11 Yilokhu uJehova akusho kimi ukuze angixwayise ukuba ngingalandeli inkambo yalesi sizwe, isandla sakhe esinamandla siphezu kwami:
12 “Akumelwe nithi uzungu lokho lesi sizwe esikubiza ngokuthi uzungu!
Ningakwesabi lokho abakwesabayo;Ningathuthumeli ngenxa yako.
13 UJehova wamabutho—nguYe okufanele nimbheke njengongcwele, +Kufanele nesabe Yena,NguYe okufanele anenze nithuthumele.” +
14 Uzoba njengendawo engcwele,Aphinde abe njengetshe lokuqhuzulaNanjengedwala lokukhubeka +Kuzo zombili izindlu zakwa-Israyeli,Abe njengesicupho nanjengogibeKwabahlala eJerusalema.
15 Abaningi kubo bayokhubeka, bawe, baphuke;Bayobekelwa ugibe babanjwe.
16 Songa umqulu okubhalwe kuwo umyalezo;*Ubeke uphawu emthethweni* phakathi kwabafundi bami!
17 Ngizohlale ngilindele* uJehova, + ofihlela indlu kaJakobe ubuso bakhe, + ngizothemba yena.
18 Bheka! Mina nabantwana uJehova angiphe bona + sinjengezibonakaliso + nanjengezimangaliso kwa-Israyeli, ezivela kuJehova wamabutho ohlala eNtabeni iZiyoni.
19 Uma bethi kini: “Buzani kwabasebenzelana nemimoya noma kubabikezeli bekusasa abatshiyozayo nabakhuluma ngokuhleba,” akufanele yini isizwe sibuze kuNkulunkulu waso? Ingabe abaphilayo kufanele babuzelwe kwabafile? +
20 Cha, kunalokho kufanele bahlole umthetho nomyalezo obhaliwe!*
Lapho bengakhulumi okuvumelana nala mazwi abanakho ukukhanya. *+
21 Yilowo nalowo uyodabula izwe ecindezelekile futhi elambile; + ngenxa yendlala nentukuthelo, uyoqalekisa inkosi yakhe noNkulunkulu wakhe njengoba ebheka phezulu.
22 Uyobe esebheka emhlabeni, abone usizi nobumnyama kuphela, indumalo nezikhathi ezinzima, isigayegaye kungekho ukukhanya.
Imibhalo yaphansi
^ Kungenzeka lisho, “Ukugijimela Empangweni, Ukuphuthuma Ukuyophanga.”
^ NgesiHebheru, “ngothi lokubhala lomuntu ofayo.”
^ Noma, “bafakaze.”
^ NgesiHebheru, “ngasondelana.”
^ Okuwukuthi, umkakhe u-Isaya.
^ IShilowa kwakuwumsele wamanzi.
^ Okuwukuthi, i-Ewufrathe.
^ Noma, “imizila yamanzi.”
^ Bheka u-Isay 7:14.
^ Noma, “Bhincani.”
^ Igama lesiHebheru elisho ukuthi “uNkulunkulu unathi” lithi Imanuweli. Bheka u-Isay 7:14; 8:8.
^ Noma, “Songa ubufakazi.”
^ Noma, “esiqondisweni.”
^ Noma, “Ngizomlinda ngokulangazela.”
^ Noma, “nobufakazi.”
^ NgesiHebheru, “ukukhanya kokuntwela kokusa.”
