Ulwazi Olusisondeza KuNkulunkulu
UMdali wethu akawona nje amandla athile. Unobuntu obuthandekayo. Ufuna sifunde ngaye futhi sisondele kuye. (Johane 17:3; Jakobe 4:8) Yingakho esitshela okuningi ngaye.
UMdali Wethu Unegama
“Abantu mabazi ukuthi wena, ogama lakho linguJehova, Wena wedwa ungoPhezukonke emhlabeni wonke.”—IHUBO 83:18.
IBhayibheli lifundisa ukuthi uJehova uyena yedwa onguNkulunkulu weqiniso. UnguMdali womhlaba nakho konke okuphilayo. Nguye yedwa okufanele simkhonze.—IsAmbulo 4:11.
UJehova UnguNkulunkulu Onothando
“UNkulunkulu uluthando.”—1 JOHANE 4:8.
UJehova usebenzise iBhayibheli nezinto azidalile ukuze asibonise ukuthi unobuntu obunjani. Ubuntu bakhe obuvelele uthando. Uthando luchaza lokho ayikho. Uma siqhubeka sifunda ngoJehova, simthanda ngisho nakakhulu.
UJehova UnguNkulunkulu Othethelelayo
“UnguNkulunkulu ozimisele ukuthethelela.”—NEHEMIYA 9:17.
UJehova uyazi ukuthi sinesono. Ngakho ‘uzimisele ukusithethelela.’ Lapho sixolisa bese senza konke okusemandleni ukuze siyeke okubi uzosixolela futhi angasibambeli amagqubu.—IHubo 103:12, 13.
UJehova Uyathanda Ukuba Sithandaze Kuye
“UJehova useduze nabo bonke abambizayo . . . uyakuzwa ukukhalela kwabo usizo.”—IHUBO 145:18, 19.
UJehova akalindele ukuba senze imikhosi eyinkimbinkimbi noma sisebenzise izithixo lapho simkhonza. Ulalela imithandazo yethu njengoba nje abazali abanothando belalela izingane zabo abazithandayo.
Okunye Ongase Ukuthande
IMIBUZO YEBHAYIBHELI IYAPHENDULWA
Ungubani UJehova?
Ingabe unguNkulunkulu wesizwe esisodwa kuphela, njengama-Israyeli?
IMIBUZO YEBHAYIBHELI IYAPHENDULWA
Ingabe UNkulunkulu Ungamandla Angaphili?
IBhayibheli lithi uNkulunkulu wadala zonke izinto, kodwa ingabe unendaba nathi?
IMIBUZO YEBHAYIBHELI IYAPHENDULWA
Uzongithethelela Yini UNkulunkulu?
Cabanga ngalokho iBhayibheli elikushoyo ngendlela ongathola ngayo intethelelo kaNkulunkulu.
